Davao City – Naningkamot ang gobyerno sa Pilipinas nga mahatag ngadto sa katawhan ang serbisyo nga gikinahanglan sa karon nga panahon subay sa ginasagubang nga COVID-19 crisis sa entero kalibutan.
Kini ang naobserbahan ni Davao Philosophy Professor Ryan Maboloc diin sa interview sa DXDC RMN Davao kaniya, nakita niini nga bisan pa man sa dakong hagit nga giatubang karon sa mga liderato labi na sa socio-economic nga aspeto, nagpabilin matud pa ang commitment sa gobyerno ngadto sa katawhang Pilipino.
“Pinaagi sa liderato dili lang sa nasyunal apil na sa lokal, gipaningkamutan man pud na maabot ngadto sa katawhan kining mga butanga although gikinahanglan gihapon pud ang maayong komunikasyon para mapasabot ngadto sa uban ofcourse nga nagtuo nga unfair nga di sila makadawat pero at the same time sa akong nakita naa man diha ang effort nga as much as possible nga mahatag didto sa tao kung kinsa tong nanginahanglan para atleast gitawag lang man gud na og amelioration meaning to say matagaan sila og comfort,” saysay ni Maboloc.
Dugang sa propesor nga parte sa demokrasiya ang kritisismo nga madungog gikan sa katawhan apan gisugilon niini nga wala wala may matawag nga dakong butang nga ikasaway ngadto sa gobyerno gumikan nakita niini nga nagpabilin ang maayong liderato sa gobyerno ilabi na sa pagpahimutang sa disiplina.
Lantaw usab niini nga og makahatag ang mga tao sa ilang pagsabot ug self-discipline, way siguro gamay nalang ang panahon nga gikinahanglan nga makalingkawas sa krisis.
RadyoMaN Renz Barbarona
