Maboloc: Extreme measures tubag sa pag ubos sa COVID-19 cases

Davao City – Importante karon ang striktong pagpatuman sa COVID-19 measures sama sa Enhanced Community Quarantine sa syudad aron mapugngan ang pagkuyanap sa virus.

Atol sa pakighinabi sa DXDC RMN Davao kang Davao Philosophy Professor Ryan Maboloc, gisugilon niini nga kinahanglan panghingusgan sa liderato sa gobyerno ang pagpatuman sa ginatawag nga ‘draconian measures’ kun lig-on nga paggamit nga authority sa panggamhanan aron di na mudaghan pa ang kaso sa COVID-19.

“Ang WHO mismo nag recognize sa ginatawag nato nga extreme measures nga gi- enforce sa China ug mao ang rason nga di na kaayo daghan ang kaso sa China. Meaning to say, kinahanglan kaayo ang pag-practice sa social distancing, stay home para ang tao dili matakdan ug dili makatakod just in case na expose siya sa maong virus,” segun ni Maboloc.


Samtang malaumon usab ang propesor sa kooperasyon sa mga dabawenyo diin siya nagtuo nga og mukooperar ang katawhan, makita dinhi ang maayong resulta apan og dili, musangpot gayud kini sa delikado nga sitwasyon sama sa nahitabo sa nasud Italy nga libuan na ang nakasabsan sa kinabuhi.

Gani gisaysay sa propesor nga dili problema ang planong pagpatuman sa Extreme Enhanced Community Quarantine (EECQ) diin matud pa kini nahisubay sa batakang balaud ug public welfare ang at stake niini karon apan seguruhon lamang nga masunod ang procedures ug walay masupak nga human rights sama sa nahitabo sa India.

RadyoMaN Renz Barbarona

Facebook Comments