Mikabat sa 1,201 ka mga tawo ning syudad sa Cagayan de Oro ang nasapon sa kapolisan sa curfew hour.
Kini sukad hingpit nga gipatuman ang Curfew ning syudad mga duha ka semana na ang milabay.
Matud ni Police Major Evan Viñas nga spokesman sa Cagayan de Oro City Police Office nga 48 niini polos hingkod na ang panuigon.
Matud ni Viñas nga wala hino-oy menor de edad nga ilang nasapon sa curfew ni Mayor Oscar Moreno nga nagsugod sa alas nuebe sa gabie hangtud sa alas singko sa buntag.
Matud ni Viñas nga ang maong mga violators sa Curfew hour ilang gipapa-uli sa ilang mga balay.
Una pa niini, gimando ni Mayor Moreno ang Curfew ning syudad aron dili na maglakaw lakaw ang mga tawo panahon sa gabie ug malikayan ang pagtakod-takod sa corona virus.
Mokabat usab sa 72 ka mga tawo ang ilang nasapon sa liquor ban ug pipila sa mga violators ang gipagbayad sa multa.
Matud ni Viñas nga samtang epektibo pa ang Executive Order ni Mayor Moreno batok sa corona virus, magpadayon ang kapolisan sa ilang kampanya labi na sa social distancing nga gimando sa Mayor.
