Sa video post sa usa ka Jan Rhian Survilla Tabay makita ang mga Macho Gay contestants sa usa ka fiesta nga nanayaw og budotz. Duyog sa sikat nga tukar sa budotz nga naay lyrics nga “Hala Ang Kabaw, Hala Ang Tawo, Kalouy Sa Karabaw, Kol” pwerteng kiat og sayaw sa mga lalaki nga nakabistida og binabaye.
Tunga-tunga sa maong video mikalit og back flip ang usa sa mga contestants. Sa dihang milanding ni sa plywood nga stage, kalit lang nga nahugno ang bahin kung asa siya mitugpa.
Pwerteng siyagit sa audience ug hasta ang gakuha sa video sige agik-ik og kinatawa. As of this writing, naa nay 13,000 views ang maong epic video ug more than 200 shares.
Sa mga gustong motan-aw sa makalingaw nga video post sa facebook mao ni ang link: m.facebook.com/story.php?story_fbid=1389371377856548&id=100003510983223 .
Sa pagkakaron wa pa pud mitubag sa iFM Cebu Team ang tag-iya sa video sa pangutana kung asa nahitabo ang maong Macho Gay ug kumusta man ang sitwasyon sa contestant human nga nabuwasot ni sa stage. Apan base sa account ni Jan Rhian Survilla Tabay, taga Minglanilla, Cebu kini apan naa pud siyay recent photos nga gipost sa fb nga naa siya sa usa ka selebrasyon sa fiesta sa Talisay City, Cebu.
Sa sunod, ipasiguro nga lig-on ang stage para dili “louy ang karabaw” este ang tawo mga idol. Ay (i) na beh!
