Naghulag na ang halos tanan nga mga banwa dire sa probinsya sang South Cotabato sa pagpanaug pa lang sang memorandum ni Governor Reynaldo Tamayo Jr. nga ASF suspect alert paagi sa pagpatuman sang lockdown sa mga nagasulod nga baboy sa ila nga area of jurisdiction.
Samtang suno kay Provincial Veterinarian Dr. Flora Bigot lauman nga madamo pa sang animal quarantine checkpoint ang i-istablisar sa bug-os nga probinsya batok African Swine Fever ukon ASF.
Dugang pa ni Dr. Bigot nga daku nga epekto sa ekonomiya kag sa hog industry sa probinsya kon may kaso sang ASF tungod indi basta-basta na makapasulod sang pork products sa iban nga probinsya.
Samtang ang mga dalagku nga babuyan ang sarang suno pa makaapply sang ASF free farm base sa polisiya sang Department of Agriculture, apang indi na sila makaexport sang produkto sa iban nga pungsod.
