Madamo nga kaso sang animal bites dire sa probinsya sang South Cotabato ang rason kon ngaa ginakulang ang supply sang anti-rabies vaccine sa mga Animal Bite and Treatment Center ukon ABTC bisan nga may-yara sang alokasyon para dire ang provincial government magluwas sang halin sa Department of Health.
Suno kay John Codilla, Infectious Disease Coordinator sang IPHO sang nagligad nga tuig naglab-ot sa 13k ang narekord nila nga kaso sang animal bites dire sa probinsya.
Ginpahayag niya man nga problema sa gihapon ang local enforcement sang rabies act dire sa probinsya sang South Cotabato partikular na sa mga barangay kag munisipyo ang rason kon ngaa may mga narekord sa gihapon sang kaso sang rabies dire sa probinsya.
Dugang pa niya nga bisan ang mga health workers nga nagalibot para sa implementasyon sang health program ang indi luwas sa kagat sang ido tungod madamo sa gihapon sang stray dogs dire sa probinsya.
