Madamo nga pinutos sang laya nga dahon sang marijuana nakumpiskar

Kapin sa 49 ka libo ka pesos nga balor sang marijuana ang nakumpiskar sang otoridad sa gin patigayon nga buy bust operation sang Regional Police Drug Enforcement Unit (RPDEU) sa pagpanguna ni Police Lt. Thurslie Castillo pasado las cinco sini nga hapon sa isa ka billiard and grill house nga nahamtang sa Purok Bangrus, Barangay 1 syudad sang Bacolod.

Nakuha ang isa ka bundle kag 31 ka magagmay nga pinutos sang laya nga dahon sang marijuana kay Gideon Ulyssis Naya, 27 anyos kag tag-iya sang 27th Food Grill sa nasambit nga lugar.

Ginabulubanta nga nagabug-at sang 400 gramos kag nagabalor sang 49 ka libo ka pesos ang nasambit nga droga.


Nakumpiskar man sa lugar ang naluto na nga “marijuana brownies” nga ginahimu ukon na baked sa amo nga lugar kag gina baligya sa tag 30 pesos ang kada slice.

Suno sa otoridad nga madugay na nga gina monitor ang amo nga suspek bangud sa hilikuton sini sa pagbaligya sang nasambit nga droga.

Ini sa karon ang detinado sa custodial facility sang Police Station 2 para sa nagakaigo nga disposisyon.

[image: image.png]

Facebook Comments