Davao City- Patay human giingong namusil ngadto sa mga awtoridad ang subject sa buy-bust operation niadtong Martes sa may Tahimik St., Brgy. 15-B, Obrero ning syudad.
Ang suspek gikonsiderang Top 1 priority target list ilawom sa Sta. Ana Police Station.
Sumala sa Sta. Ana Police Station nga positibo nilang napalitan ang suspek nga si Richard Montaire Tagahanan, 24 anyos, residente sa Carillo Compound, Talisay Ecoland, Brgy.76-A, Davao City og shabu apan inay mu-surrender sa kapulisan nagpabuto kini sa iyahang .22 nga revolver punterya ngadto sa pulis hinungdan nga nibalos na usab ang mga awtoridad.
Gideklara ang suspek nga dead on arrival sa Southern Philippines Medical Center.
Musumada sa P15,000 ang mga gituohang shabu nga narekober sa Scene of the Crime Operatives kun SOCO lakip na ang ang pusil nga gigamit sa suspek, P1,000 kantidad sa marijuana ug uban pang mga gamit sa napatay nga drug suspect.
Sumala sa kapulisan nga nalambigit usab ang maong suspek sa nagkadaiyang robbery hold-up ug theft incidents sa area sa Sta. Ana PNP.
RadyoMan Aimee Guinita
