Davao City – Gibana-banaang anaa sa 20 ka mga panimalay ang naugdaw sa sa miulbong sunog alas-10:32 sa buntag sa may Purok 8A Brgy. 9B, Madapo Hills, ning syudad sa Davao.
Sumala ni SFO Giovanisus Ambay, imbestigador sa C. Bangoy Fire Station, dako na ang sunog pag abot sa kabomberohan gumikan usab sa kahilit sa lugar ingon man lisod makasulod ang dagko nga firetrucks gani anaa sa 20 ka hose ang ilang nagamit.
Sa inisyal nga imbestigasyon migula nga nag sumikad ang sunog sa usa ka abandonadong balay diin dunay mga bata nga nagdula og lighter.
Dugang niini, gideklara nga fire under control alas-11:05 sa kabuntagon.
Tambag ni Ambay sa mga residente sa hilit nga lugar sama niini nga seryosohon ang mga seminars nga ilang ginahanyag susama sa bucket system.
RadyoMaN Jason Amisola
