Madasig nga nagpadalagan sang motorsiklo nakasagaid sang Revo patay

154

BACOLOD CITY – Patay ang driver sang isa ka color pula nga Honda motorcycle sang ini ang nagbunggo sa nasugata niya nga Toyota Revo pasado las 6 sini nga aga sa dalan Gonzaga, Barangay Taculing diri sa ciudad sang Bacolod.

Ginkilala ang biktima base sa driver’s license nga nakuha sa iya nga amo si Robert Artajo, Jr. ginabulubanta naga edad masobra 20 anyos kag pumuluyo sang Escalante City.

Samtang, nakilala naman ang driver nga nagamaneho sang Revo nga amo si Cristina Olandesca.


Base sa inisyal nga pagpangusisa, madasig ang pagpadalagan sang motor gani malayo ang iya gintabugan sang nakabunggo sa Revo nga amo naman ang gintunaan sang iya gilayon nga kamatayon.

Facebook Comments