Davao City – Hapsay ug walay gikareport nga kakulian ang nagpadayong plebesito sa Bangsamoro government karong adlawa, Enero 21, 2019.
Sumala ni Armed Forces of the Philippines (AFP) Chief of Staff Maj. Gen. Benjamin Madrigal Jr., 100% na nga gisugdan ang plebesito sa Bangsamoro Organic Law (BOL) sa Bangsamoro regions.
“So far peaceful naman yung plebiscite sa BOL and hopefully we can finish this without any harm, ” matud niini.
Segun ni Madrigal nga gilibot na nila ang mga lugar ilawom sa Western Mindanao Command (WestMinCom) una paman ang plebesito karong adlawa sama sa Julu, Basilan, Cotabato, Lanao ug Zamboanga diin nakahinabi na nila ang matag commanders.
Giklaro sa AFP chief of staff nga ang AFP ug Philippine National Police (PNP) lamang ang responsable sa seguridad sa maong lugar samtang ang kooperasyon sa Moro Islamic Liberation Front (MILF) mao ang pagpaniguro nga wala silay armas karong mga panahona ingon man malinawong mupartisipar sa pagpahigayon sa plebesito.
RadyoMaN Jason Amisola
