Giila sa Butuan City Police Office (BCPO) ang kaligdong sa usa ka Muslim nga Magtutudlo dihang iyang giuli sa tag-iya ang nakit-an niyang kwarta nga nagkantidad ug 70,000 pesos.
Gisaysay sa magtutudlo nga si Ms. Sumaya Ebrahim, sa Agusan National High School nga samtang nagsakay siya ug tricycle padulong sa eskwelahan kalit nakakita ang driver sa “bundle” sa kwarta anaa tunga sa dalan sa Villanueva Extension , Brgy. Tandang Sora ning syudad ug nakita usab niini nga gidagan sa mga bystander aron kuhaon ang kwarta apan human nasayran nga dili ilaha ang salapi ni-insister ang magtutudlo nga i-uli kini sa tag-iya sanglit nagtoo siya nga kinahanglanon kaayo ang maong kwarta sa tag-iya.
Gumikan kay walay tawo sa lugar nga niangkon nga ilaa ang kwarta, nagdesisyon si Ms. Ebrahim nga itugyan kini sa BCPO.
Gilayon nanawagan sa kahanginan si P/Capt. Emmerson Alipit, spokesman sa BCPO kung kinsa ang nawad-an ug kwarta ang kuhaon lamang kini sa Police Station.
Human nabati ang balita, mipatim-aw si Mr. Francis Leong Tiam Capon ngadto sa BCPO ug iyang gi-claim ang nawala niyang kwarta.
Daku ug pasalamat si Capon sa kaligdong sa magtutudlo nga si Ms. Ebrahom nga mi-uli sa kwarta.
Nipaabot usab sa iyang pagtimbaya si P/Col. Albert Magno, hepe sa BCPO sa gipakitang kaligdong sa nasangpit nga magtutudlo.
[image: bcpo money.jpg]
