Maestro Malo el cabesa?

Possible nohay na buen pensamiento el un maestro de High School despues este ya sopla de pasada y ya soquia consu estudiante mientras adentro del classroom na Pasonanca del primer dia del clase.
El maestro amo si Felix Incho.
Asegun con el padrasto del 14año grade 8 estudiante, el incidente ya sosede Banda alas 10 del aga na computer room.
Asegun ya manda el maestro limpia con el classroom y derepente ya lang daw este ya larga de patada con el victima.
Porcausa na fuerza ya tumba el estudiante donde unsiguidas ya lebanta este pero ya segunda de un puñetaso conele na prente.
Ya tene contusion na prente del victima por el file.
Ala noche ya cuando ya reporta con el incidente na estacion del pulis. Enantes aga ya anda pa el maestro na escuela pero nohay daw este na rumbo donde ya Mira el principal ta busca este tubu para sopla consu maga estudiante.
Porcausa con este ya desidi el principal manda bolbe conele.
Asegun con Major Arlan Delumpines ay planta sila el propio cais con el maestro donde tiene ya este semehante caso del mas una pa pero ya puede este saca clearance para continua India.