Davao City – Nag-unay og punishment ang mag-ig-agaw hatod sa dili maayo nga resulta sa ilimnong makahubog.
Niresulta sa kagubot ang kasadya sa adlaw sa apohan human gipusil ni Marvin Traya ang iyang ig-agaw nga si Erene Traya, 31 anyos, pulos nagpuyo sa lungsod sa Bansalan, Davao del Sur, alas 3:30 sa hapon kagahapong adlawa.
Tungod lagi kay adlaw’ng natawhan sa ilang lola, naghubog matud pa ang duha apan sa dihang pareho nang lango sa bino nagkalalis ang biktima ug ang suspek.
Ang wala damha ni Erene mao nga armado diay og wala matino nga matang sa armas ug dayon pusil ngadto sa biktima.
Dali gisakwat sa mga kabanay si Erene aron madala sa Southern Philippines Medical Center (SPMC) diin padayon pang nagpaalim sa samad-pinusilan ang biktima sa mao nga hospital.
RadyoMaN Joel Viray
