Sa interbyu sa DXDC RMN Davao kang Police Major Ian James Acal, Acting Chief of Police sa Carmen Municipal Police Station (MPS), gisulti niini nga nakahiagom og samad pinusilan ang mga biktima, diin naigo sa ilok si alyas Fredo, hamtong ug mag-uuma. Samtang ang anak niini nga alyas Jher naigo usab sa iyang paa.
Sa imbestigasyon, samtang natulog ang mga biktima sa ilang balay sa nahisgutang lugar, kalit na lamang sila nga gisulod sa usa ka mamumuno dayon sila gipamusil.
“Hangtud karon, naga-hot pursuit pa gyud ‘mi. Anyway, identified man pud nato ang suspek. Taga Carmen pud siya. Possible siya nga more than one (suspect). Pero ang misulod gyud (sa balay) is isa lang,” saysay sa pulis.
Narekober sa crime scene ang usa ka Caliber 357 Magnum revolver pistol ug mga bala.
Nagpadayon karon nga ginasuta sa kapulisan kung unsa ang motibo sa maong pagpamusil.
RadyoMaN Kirby Manzon
