Mga tag-iya og establisyemento gipahimangnuan sa pagtuman sa evacuation procedures atol sa linog

Davao City- Wala pay opisyal nga complaint nga nadawat ang City Disaster Risk and Reduction Office (CDRRMO) may kalabutan sa usa ka establisyementong wala gipakaog ang mga empleyado atol sa pagtay-og sa Magnitude 6.1 nga linog niadtong Miyerkules.

Segun ni CDRRMO chief Alfredo Baloran, mamahimo nila kining susihon ug i-refer usab sa proper authority aron maimbestigahan ang reklamo.

Giaghat ni Baloran ang tanang mga tag-iya og mga establisyemento, nga iaplikar ang mga evacuation drills atol sa linog.

Tambag niini nga kinahanglan nga lantawon gayod ang safety ug kinabuhi sa mga tawo ug responsibilidad kini sa mga gadumala.

Sumala sa hepe, pweding mukoordinar ang mga establisyemento sa CDRRMO para matudluan ug mabansay ang mga trabahante sa mga angayang himuon atol sa mga kalamidad sama smka linog.

RadyoMaN Aimee Guinita

Facebook Comments