General Santos City- Patay ang mag-amahan human kining gipusil sa duha ka mga suspek nga nakamotorsiklo, pasado alas kwatro ang takna sa hapon kagahapong adlawa gawas lang sa ilang panimalay sa Sta. Theresita, Brgy. San Isidro, Gensan.
Mga biktima nailang silang si Jhon Jay Angin, 35 anyos, ug amahan niining si Anthony Angin, 58 anyos, nagpuyo sa nasampit nga lugar.
Sa inisyal nga imbistigasyon sa Police Station 4, nasuta anaa lang gawas sa ilang panimalay ang mag-amahan dihang gipamusil ang mga nahisgutan.
Target matud pa sa pagpamusil mao si Jhon Jay Angin ug nadamay lang ang amahan niini human kining gigakos sa nasampit dihang gipusil sa mga suspek.
Nakaangkon ug duha ka samad pinusilanan ang amahan samtang kapin napulo ka samad pinusilan ang naangkon ni Jhon Jay.
Samtang gikumperma usab sa Police Station 3 nga kanhing drug surrenderee si Jhon Jay ug bag-uhay lang nakahuman sa iyang Community Based Rehabilitation Program kon CBRP.
Nagbag-o na usab ang suspek ug trabaho niini sa ilang panimalay ang pagbuhi ug manok panabong ug kanunay matud pa kining nagasalmot sa mga derby sa manok.
Gikumperma usab sa pamilya sa biktima nga ayha nahitabo ang pagpamusil duna nay namatikdang tawo nga dawsa naniid sa panimalay sa biktima ug kumpermado usab nga nakadawat na ug bahad anfg nasampit ayha pa nahitabo ang pagpamusil.
