BACOLOD CITY – Pilason ang mag-asawa matapos nga naga-sakay sa motor matapos nga gin-hold up sa area sang Villa Angela, syudad sang Bacolod, kagab-i.
Ang mga mga biktima amo sanday Marlon Suarez, 35 anyus kag Gerlie Suarez, 30 anyus, sang Brgy. Granada, Bacolod City.
Natabu ang insidente, pasado alas siete kagab-i sang naga-sakay ang mag-asawa sa ila motorsiklo halin sa Brgy. Handumanan, manugpa-uli na sila kuntani sa ila puluy-an sa Brgy. Granada.
Apang sa pag-abot sa Villa Angela, gin-sabnit sang mga suspek nga sakay sa motorsiklo ang bag sang asawa.
Bangud nga nagadalagan ang ila motorsiklo sang natabu ang insidente, natumba naman ang mga biktima kag padayon sa karon nga gina-bulong sa Riverside Medical Center./dyHB BACOLOD
Facebook Comments
