Davao City- Nahog sa away sa magtiayon ang pag-angkon sa kustodiya sa
ilang anak.
Misangpot sa pagnilabayay og gamit ug panagbingkil sa mag-asawa human nga
pareho sila nagmagahi sa pagsakripisyo sa kustodiya sa ilang anak.
Nasayran nga nagbuwag na ang magtiayon nga sila alyas Fritz ug Rossy sa
wala pa masuta nga hinungdan ug kabahin matud pa sa ilang nasabutan mao ang
pagpulihanay sa kustodiya sa ilang anak.
Matud ni Fritz nga iyang gihiraman ang iyang anak gikan sa poder ni Rossy
sud sa usa ka semana.
Apan natingala na lamang ang amahan nga kalit mibutho si Rossy sa iyang
balay sa may Ciudad De Ezperanza Buhangin District pasado 1:00 sa hapon.
Buot na matud pa kuhaon sa asawa ang ilang anak butang nga wala mutugot si
Frits sa katarungan nga wala pay usa ka semana subay sa ilang nasabutan.
Dihang naglisod si Rossy sa pagkuha sa anak gikan sa poder ni Fritz didto
na nagsugod og pamunit og gamit ang asawa ug gilabay ngadto sa bana.
Sanglit babaye walay lain nahimo ang bana gawas sa pagpatala sa insidente
sa Buhangin Pnp.
RadyoMaN Joel Viray
