Nakakaon hin tahong nga positibo hin red tide toxin an mag asawa ha Daram Samar, sanglit an ira gin abat in kakuri ha pag ginhawa, pagsakit hin tiyan ngan pamanhod han kalawasan ini in sumala kan Dr. Nancy Dayap han Bureau of Fisheries and Aquatic Resources o kun BFAR 8.
Ginkilala an mga biktima nga nagpakakaon hin tahong nga hira Miranda, 35 anyos ngan Sopio Pariente, 35 anyos ngan pareho mga residente ha Brgy. Real Daram Samar.
Nagpahinumdom an BFAR ha publiko nga likayan la anay an pagkaon hin tahong ngan tanan nga klase hin shellfish.
Magpapagawas an buhatan hin imporasyon kun ha sitwasyon negatibo na hin red tide an Carigara Bay ha Leyte, Irong-irong Bay, Maqueda Bay, ngan Villareal Bay ha Samar, Matarinao Bay naman ha Eastern Samar.
Samtang an mag asawa in nagpapabilin ha pagka yana ha Samar Provincial Hospital ha Catbalogan City samtang gin oobserbaran pa han mga doktor ilabi na kay an biktima nga babaye in burod pa gud.
