Mag-asawa nga nagpahuram hin motor ha suspek, ginpaninigbas-patay

TACLOBAN CITY – Ginpaninigbas an duha nga mag asawa han ira amyaw ha Brgy. Wilson, Mayorga, Leyte, dida han dominggo February 17, 2019.

Subay han report tikang ha Philippine National Police (PNP) ha Mayorga, ginkilala an mga biktima nga hira Josephine Salas ngan Alfredo Vicente, pareho nga ada na ha sakto nga pangidaron.

Ginkilala naman an suspek nga hi Douglas Cabra, aada na ha sakto nga pangidaron.


Ha imbistigasyon, humuram hin motor an suspek ngadto ha mga biktima pero han ig uli na an motor, kulang ini hin mga spare parts.

Ginkwestyon han mga biktima an suspek ha ginsumara nga patawag ha barangay para tuhayon hira pero naghulga an suspek nga papatayon an mag-asawa.

Nabaruan nga patay na an mag asawa ha kahagna-an dida han dominggo, February 18, 2019.
Naka eskapo naman an suspek pero padayon hot pursuit operation han mga otoridad

Facebook Comments