Mag-asawa sa Cabatuan, Iloilo, nakuhaan sang 22 ka sachet sang suspected shabu

Nakuhaan sang 22 tanan ka sachet sa suspected shabu si Joven Pasederio, 39 anyos kag ang asawa niya nga si Charry Pasederio pinaagi sa buybust operation nga ginkasa sang kapulisan sa Brgy. Baluyan , Cabatuan alas 6:30 kaina sang aga.

Suno kay Police Senior Inspector Sullen Domingo sang Cabatuan Municipal Police Station, tokhang surrenderee si Joven.

Samtang ang asawa niya nga si Charry ang nagakuha sang supply sa Bakhaw , Mandurriao kag gina-repack sang iya bana.


Nakahunong ang mga nagkaladakpan sa Cabatuan MPS.

Nahibaluan nga may tatlo ka mga kabataan ang mag-asawa nga naga-edad 9 kag 8 ka tuig kag 4 ka bulan nga lapsag.

Facebook Comments