Mga motorista nga way pasensiya diha sa karsada kay gustong madali bisan ug hoot kaayo ang trapiko unya mopugos ug “counter flow”, bantay mo kay magsugod na ang dakop dinhi sa dakbayan sa Sugbu karong adlawa .
Ang Cebu City Transportation Office (CCTO) Operations chief nga si Francisco Ouano nibutyag nga modeploy sila ug 24 ka teams nga manakop sa mga drayber nga magcounter-flow sa kadalanan sa syudad sa Sugbu .
Si Mayor Tomas Osmeña nipirma ug usa ka Executive Order alang niini aron makalikay sa mga disgrasya sa kadalanan tungod sa mga mga mag-counterflow ug pagdisiplina usab sa mga drayber.
Ang silot batok sa masakpang mag-counter flow , mao ang pag-impound sa sakyanan ug usa ka buwan , multahan ang drayber ug posibling mag-atubang ug dugang kaso .
