Davao City – Love triangle ang motibo sa pagpanigbas sa tulo ka mag ig-agaw natigayon alas 4:30 sa kaadlawon didto sa Angel Funeral Home syudad sa Davao.
Sa report gikan San Pedro PNP, naila ang mga biktima nga mao sila si Nescy Plaza, 25 anyos, ulitawo, Nestor Plaza, 28 anyos residente sa 1052 Jacinto Ext.ning siyudad ug si Vincent Plaza, 28 anyos, nagpuyo sa Piapi Boulevard Barangay 22-C ning dakbayan samtang ang suspek mao si Lloyed Stephen Rivera, 22 anyos residente sa Suntan St.Sabroso Ecoland Davao City.
Sa imbestigasyon nga gilusad sa kapolisan, matud pa ang mga biktima ug suspek naglamay sa ilang silingan nga namatay sa dihang nag istoryahanay ang tulo nga misangko sa panaglalis human nahisgotan ang isyu nga love triangle ni Necsy diin nasangkot usab ang suspek.
Matod sa mga nakakita, kalit nga gibinggahan sa usa sa mga biktima ang suspek hinungdan nga mikuha kini sa iyang sundang gikan sa iyang sakyanan dayon tigbas sa mga biktima.
Nakahigaom og samad tinigbasan si Vincent sa ulo nga bahin, si Nestor sa kamot nga bahin samtang si Necsy sa tuo nga bahin sa iyang kalawasan.
Ang mga biktima daling gidala sa SPMC samtang ang suspek giaresto sa kapulisan.
Pursigido ang pamilya sa mga biktima nga mupasaka og kasong Murder batok sa suspetsado.
RadyoMaN Don Pulayao
