General Santos City–Giandam na sa Polomolok PNP ang kasong frustrated murder ngadto na sa Provincial Prosecutors Office batok sa duha ka mag ig-agaw nga silang Perigrino Crayop, 45 anyos, ulitawo usa ka magnanagat, residente sa Salakit, Kiamba, Sarangani Province og si Fernando Crayop, 20 anyos, taga Purok Pagkakaisa Brgy.Kablon, Tupi, South Cotabato.
Kahinumduman nga una ng nasikop ang nasampit nga mag ig-agaw human nga gidunggab ang biktimang si Harry Superales, 33 anyos, ulitawo usa ka vulcanizer, residente sa Prk.Malipayon, Barangay Cannery Site.
Sa imbestigasyon sa Pol.PNP nasuta nga alas 7:30 sa gabie niadtong adlawng Byernes samtang gapanirado na ang biktima sa iyang shop kalit matud pang mitungha kining mga suspek sakay sa motorsiklo aron unta magpa-vulcate.
Apan gibalibaran matud pa sa biktima gumikan kay gabie na og natago na ang iyang mga tools apan nasuko matud pa kining mga suspek nga misangko sa pagpanungngab.
Nakaangkon og duha ka mga samad dinunggaban sa dughan ang biktima rason nga gidala gilayon kini sa balay tambalanan alang sa iyang midikasyon.
Nakuha sa kapolisan gikan kay Perigrino ang usa ka kutsilyo nga maoy gigamit sa pagdunggab ingon man ang motorsiklo niini nga maoy ilahang gisakyan.
Sa karon nagpabiling nagpaalim sa samad ang biktima sulod sa balay tambalanan samtang nagtingkagol sa lock up cell sa Polomolok Police Station ang mga suspetsado.
