Kini human nga nadakpan ang duha ka mag-igsoon nga sila Junar Pichon, 31 anyos, minyo, driver ug si Jayson Pichon, 35 anyos, minyo, laborer, pulos residente sa Purok Sto. Nino, Barangay Batobato, San Isidro, Davao Oriental.
Sa interbyu sa DXDC RMN Davao kang Police Staff Sergeant Alvin Arilla, personahe sa San Isidro Municipal Police Station (MPS), gibutyag niini nga taud-taud na nga ginabantayan sa Provincial Intelligence Unit (PIU) ang mga suspek.
“Namonitor nga taud-taud na ilang trabaho sa kalambigitan sa iligal nga droga,” sulti ni Arilla.
Nakuha sa posisyon sa mga dinakpan, ang napulo ka pakete sa gituohang shabu ug uban pang drug paraphernalia, diin ang droga anaa sa 2.5 gramos nga mukantidad og P20,000.
Nakuhaan usab ang mga nahisgutan og usa ka caliber .38 revolver ug mga bala.
Kasong paglapas sa Republic Act 9165 (Comprehensive Dangerous Drugs Act of 2002) ang atubangon sa mga suspetsado.
RadyoMaN Kirby Manzon
