General Santos City—sikop ang usa ka ginang ug anak niining minor de edad sa gihimong buy-bust operation sa City Drug Enforcement Unit (CDEU) sa may San Vicente Ferrer, Buklod 4, Camp Fermin Lira alas 10:50 ang takna sa gabie, Miyerkules, September 6, 2017.
Suspek giilang silang si Maribel Dalandas, 52, ug alias Noime, 16, residenti sa samang lugar. Napalitan ang mag-inahan ug (1) ka sachet sa gituohang shabu gamit ang P1,000.00 nga marked money. Samtang laing (1) pa ka sachet sa gituohang shabu ang narekober gikan sa posisyon sa mga nahisgutan.
Sumala ni Police Sr. Inspector Fernando Manuel, Hepe sa CDEU nga basi sa ilang intel report, migula nga gikan sa Gensan City Reformatory Center ang drogas nga ginabaligya sa mag-inahan.
Gikan matud pa kini sa bana sa ginang nga anaa napreso sa maong presohan. Kasong paglapas sa RA 9165 ang gikatakdang ipasang-at nga kaso batok sa ginang samtang gikatakdang iturn-over sa CSWDO ang minor de edad.
