TACLOBAN CITY – Arestado an mag live-in partner nga gin-aaligar nan aabuso ha mga kabataan online upod na dinhi an ira mga anak kakulop, August 6.
Ha gindumara nga operasyon han Women and Children Protection Center–Visayas Field Unit (WCPC-VFU) ngan Biliran Provincial Police Office (BPPO) naaresto an mga ini ngan nakit-an an duha nga 14 anyos nga lalaki nga gin-aaligar gin-ooffer sexually abuse online kabalyo han kwarta.
Narescue an nasabi nga mga kabataan pati na an 15 anyos nga babayi nga upod han mag live-in partner sumala han International Justice Mission (IJM).
Ipapailarom ha assessment an 15 anyos nga bata pati na an mga anak han mag live-in partner para mabaruan kun nabiktima an mga ini.
Upat pa nga kabataan — tulo nga lalaki nga nag eedad hin 17 ngan 20 anyos an narescue ha iba naman nga operasyon.
Ini nga mga biktima in ginkilala mismo han babayi nga suspek durante han imbistigasyon han mga kapulisan.
An babayi nga suspek nga nag eedad hin 18 anyos ngan an lalaki nga suspek naman in 28 anyos, maatubang hin kasi ha ilarom han Anti-Trafficking in Persons Act or Republic Act (RA) 9208.
An suspek nga babayi an nag ooffer hin sexually abuse online samtang an iya live-in partner an nagdadara han mga kabataan sumala han report han IJM.
Subay han imbistigasyon, an babayi nga suspek in nag ooffer hin sexually abuse gamit an mga kabataan online kabalyo han kwarta tikang ha mga foreigners.
(Photo by IJM)
