General Santos City—himas rehas na ang magtiayong taga Maguindanao Province human nga nasikop sa gihimong Buybust operation nga gilusad sa City Drug Enforcement Unit (CDEU) sa Fernandez St., Barangay Lagao Gensan alas 08:30 pasados a gabie, Lunes, July 17, 2017.
Mga suspek nailhang si Jerwin Omar, legal age ug Fareda Silungan, legal age, pulos residenti sa Poblacion 2, Dalikan, Maguninadao, Province.
Nasikop ang mga nahisgutan human nga napalitan ug shabu gamit ang P500.00 pesos nga marked money. Samtang nakuhaan usab kini ug laing (1) pa ka sachet sa gituohang shabu; (1) ka unit sa 9mm nga pistola ug (1) ka magazine nga dunay (12) ka buhing bala.
Gibutyag ni Police Sr. Inspector Fernando Manuel Jr. , Hepe sa CDEU nga notado nang pusher ang nahisgutang suspek ug gani dugay na nilakining ginamonitor gumikan sa iligal niining pagpayuhot ug druga dinhi sa dakbayan sa Gensan.
Giangkon usab sa suspek nga si Omar nga siya gapamaligya gyud ug iligal apan iyang gipaklaro nga dili kini iyaha inay siya ginasugo ra sa usa ka nag ngalan ug Nikie nga mohatud ug drugas ngadto sa iyang mga kleyente. Matag transaksyon siya ginahatagan lang sa nahisgutan ug P500.00.
Uwahi nilang nakatransaksyon mao si Alias Jayson nga taga Barangay Conel hain ila matud pang gihatud sakay sa sakyanan nga Mitsubishi Pajero ang kwarta ug ang iligal nga drugas ngadto sa nahisgutan bugti sa 9mm nga pistola ug mga bala kilid nga bahin sa Dr. Jorge Royeca hospital apan dihang ila nang nakuha ang pusil, didto na sila gisikop.
Giklaro pa sa nahisgutang suspetsado nga ila lang nahimo ang pagpamaligya ug iligal nga druga tungod sa kalisod sa ilang kinabuhi. Gihimakak usab niini nga sila mismo ang gadala ug Shabu gikan sa Maguindanao padulong dinhi sa Gensan.
