General Santos City–Nasikop sa hiniusang pwersa sa Police Station 7 og Swat Team ang mag live in partner nga silang Rubelyn og Junjun Polos hamtong ang pangidaron nga taga Purok Nasa barangay Fatima, Gensan pinaagi sa pag-implenta sa search warrant sa kalapasan sa RA 9165.
Pagbutyag ni Police Senior Inspector Hilbron Okurin ang labaw sa Fatima PNP nga pasado alas 4:00 ang takna sa buntag gipahigayon ang operasyon sa panimalay mismo sa mga suspek ang pag-implementa sa Search Warrant kung asa atol sa ilahang pagsearch may nakuha silang mga droga sulod sa balay sa mga nasampit.
Sumala pa ni Okurin nga ang mga suspek naapil matud pa sa listahan sa nalambigit sa droga og daghan na matud pa silang nadawat nga impormasyon nga nagapadayon sa ilahang illegal nga gimbuhaton ang mga suspek.
samtang hugot usab nga gipanghimakak sa mga suspek nga dili gayud gikan sa ilaha ang mga droga nga nakuha kanila sa mga pulis og dili usab tinuod nga padayon ang ilang pakiglambigit sa illegal nga droga.
Pagpaklaro sa mga nsampit nga kaniadto lambigit sila sa pagpayuhot og droga apan nagbag-o na kini sukad nga nahimong pangulo si Pres. Rodrigo Duterte.
Wala man usab nakauyon ang mga suspek sa pamaagi sa pagdakop kanila gumikan kay giguba ang ilang balay og gipagawas silang tanan nga walay kasayuran kung unsa na ang nahitabo sa sulod sa ilang panimalay. (Reynald Timario)
