General Santos City–Dead on arrival sa balay tambalanan ang usa ka maestra nga na ilang si Evangiline Romanos 41 anyos, samtang angul ang bana niini nga usa ka Ronald Romanos, 35 anyos, nga pulos nanimuyo sa Prk. San Vicente Barangay Olympog ning syudad human nga gibangaan ang ilang gisakyan nga motorsiklo sa motor nga gimanihuan sa usa ka Jerald Tribunal , 17 anyos, nga nanimuyo sa Barangay Maribulan, Alabel, Sarangani Province.
Sumala pa ni PO2 Gadsali Mangudadatu ang Traffic Investigator sa Alabel Municipal Police Station nga basi sa ilang nahimong pagsuta nga pauli na unta sa syudad sa Gensan ang mag tiayun gikan sa glan sarangani province sa dihang na bangaan kini sa 17 anyus.
Nakaangkon ug samad sa nagkandaiyang parti sa iyang kalawasan ug ulo si Evangeline nga maoy hinungdan sa iyang kamatayon.
Dugang pa ni PO2 Mangudadatu nga ngit-ngit gayud sa national highway sa Alabel duol sa Alabel, Science High School ug hinay usab ang suga sa motor sa nasangpit nga responsible hinungdan nga nabangaan niini ang magtiayon.
Nasayran nga daw sa naglumbaanay ang motor sa 17 anyos ug sa iyang barkada sa maong lugar pabalik sa barangay Maribulan nga langosa ilimnong makahubog hinungdan nga nahitabo ang disgrasya.
Posibleng pasakaan ug kasong reckless imprudence resulting to homicide ug physical injury ang driver sa Rusi nga motor nga si Jerald Tribunalo kung dili niini mapamatud-an nga usa kini ka minor de edad (Dave Silagan)
