General Santos City—Nadakpan sa mga personahe sa Glan Police Station sa pagpanguna Police Chief Inspector Manuel Ryan Lim ang usa ka mag-uuma nga wanted sa gihimong operasyon sa may Purok Macopa, Barangay Kaltuad, Glan, Sarangani Province.
Suspek giilang si Randy Cenon, 31 anyos, residenti sa Purok Macopa,barangay Kaltuad ,Glan Sarangani Province .
Kahibaluan nga bandang alas 12:15 sa hapon niadtong nakalabayng adlaw dihang naispatan sa kapolisan nga anaa sa maong lugar si Cenon hinungdan kini gisikop pinasikad sa kamanduan ni Hon Judges Marie Ellengrid Baliguat sa MCTC SARANGANI Prosecutors office sa kasong attempted homicide nga dunay criminal case number 17-4624-G.
Sa kasamtangan naka kustudiya karon sulod sa lock up cell sa maong buhatan si Cenon. (Ray Salibillo)
