Mag-uuma, dakpan sa buy-bust operation sa Tupi, South Cotabato

14

Tupi, South Cotabato–Nasikop sa kapulisan ang usa ka mag-uuma human napalitan ug illegal nga droga atol sa gipahigayong drug entrapment operation ala 1:25 sa udto atubangan sa usa ka farm sa Purok 11- D, Barangay Poblacion, Tupi, South Cotabato.

Ang suspek ang naila sa pangalang Jovello Gabriola Jr. alyas “JR”,25 anyos, ulitawo, farmer ug residente sa Purok Merasol,Barangay Lamfari, Banga,South Cotabato.


Nasayran nga atol sa operasyon nga gipahigayon sa mga nagkadaiyang unit sa kapulisan sa south cotabato kauban ang Tupi MPS malampusong napalitan ang suspek sa poseur buyer nga pulis ug duha ka sachet sa gikatahapang shabu nga gibana-banaang nagkantidad ug 1,376 pesos.

Narekober sa kapulisan gikan sa posisyon sa suspek ang buy bust money nga 500 pesos nga maoy gigamit sa poseur buyer sa transaksyon ug ang motorsiklo nga kolor pula nga walay plakang numero.

Kasong kalapasan sa sec.5 art.II sa RA 9165 ang atubangon sa suspek nga kasamtangang gihikay na sa kapulisan ang mga dokumento ug ebedensiya alang sa pagpasang-at ug kaso ngadtona sa korte.(RV)

Facebook Comments