Kapulisan may person of interest na sa mipatay sa empleyado sa usa ka mall sa Koronadal City

24

Koronadal City–Gikabutyag ni Police Lieutenant Rey Sotelo Investigation,Intelligence Officer sa Koronadal City Police Station nga anaa na matud pa silay mga person of interest kalabutan sa kamatayon sa biktimang si Lister Aventura kansa gitabangan ug kulata sa mga kalalakin-an sa Balmores St., Barangay GPS, Koronadal City.

Sa eklusibong pakighinabi sa RMN Gensan ngadto kang Lieutenant Sotelo saysay niini nga duna na silay unom nga nailhan nga mga suspek apan dili pa nila mabutyag sa kahanginan ang mga pangalan aron dili ma-apektuhan ang nagpadayon nilang imbestigasyon ingon man ang pagdakop sa mga suspek.


Sumala pa sa opisyal nga ang kasong ipasang-at nila karung semanaha batok sa mga suspek ang nagadepende kini sa affidavit nga ilang makolekta sa mga witnesses kung asa pwedeng murder o homicide.

Dugang saysay niini nga igo lang nag-agi sa dalan ang biktima kauban ang mga higala pauli sa girentahang balay apan pag-abot sa nasangpit nga lugar didto na sila gitabangan ug kulata sa mga kalalakin-an diin ang biktima ang napuruhan tungod wala dayon nakadagan nga miresulta sa kamatayon samtang ang kaubanan niini ang naka-angkon lamang ug mga bun-og sa kalawasan human nga nakadagan papalayo sa lugar.(RV)

Facebook Comments