Nagbuy-od sa kalsada ug nagkadugo na ang biktima nga si JB Imba Mawang, 26 anyos, mag-uuma, ug residente sa Barangay Lebanon, samtang ang suspek nga si Rene Talisic Goc-ong, 46 anyos, mag-uuma, ug nagpuyo sa samang Barangay nagtindog daplin sa kalsada ug nagbitbit sa kutsilyo hinungdan gidakop dayon kini sa mga pulis.
Base sa imbistigasyon sa Montevista Municipal Police Station (MPS), nag-inom ang suspek kauban sa iyang igsoon, dihang kalit mibutho ang biktima nga nagdalag kutsilyo og dayon dunggab kang Goc-ong apan wala maigo ug nailog niini ang hinagiban, busa giduslak niini si Mawang kinsa daling gidala sa hospital apan gideklarang dead on arrival (DOA) sa doktor nga nag-atiman sa biktima.
Gikustodiya na karon sa Montevista Municipal Police Station ang suspek kinsa pasakaan og kasong pagpatay.
