General Santos City—Patay sa pagpanunggab ang biktimang si Randolf Agregalo, 36 anyos , mag-uuma nga taga Purok Paopao, Barangay Sinawal ning syudad.
Suspek sa krimen mao si Roldan Masangcay, 35 anyos, residenti sa samang lugar.
Alas 4:00 ang takna kagahapong adlawa dihang nag inum ang mga nasangpit sa lugar, ug dihang nahubog na, didto na sila naglalis nga misangko sa pagpanunggab.
Daghang samad ang naangkon sa biktima nga maoy hinungdan sa iyang kamatayon. Gilayon man nga misurender sa buhatan sa kapulisan ang suspek human wala makaagwanta sa usig sa iyang konsensya human nga napatay niini ang biktima.
Sa karon ginaandam na ang kaso nga posibling ipasang-at batok sa suspek.
Facebook Comments
