Mag-uuma giluba, suspect nadakpan!

Sominot, Zamboanga del Sur – Samaran ang usa ka biktima sa pagpangluba nga nahitabo alas 10:20 sa buntag adlawnga lunes sa Purok 1, Barangay Rizal, Sominot, Zamboanga del Sur. Ang biktima naila sa pangalang Gilbert Laluna Nillas Jr, 24 anyos, ulitawo, mag-uuma , mulupyo sa nahisgutang lugar. Giluba kini sa suspetsado nga naila sa panglang Allan Albaira Tumangggap, 52 anyos, mag-uuma, mulupyo ra usab sa nahisgutang lugar.
Gamit ang usa ka hanting ang biktima ang naka-angkon ug igo nilubaan sa dughan ug dali nga gidala sa Zamboanga del Sur Medical Center, Barangay Dao, sakop ning syudad sa Pagadian aron nga katambalan. Sa Investigation sa kapolisan sa sominot nasayran nga ang biktima ug suspitsado nag lalis kini diha mismo sa sulod sa panaimalay sa biktima ug sa walay igo nga rason giluba ang biktima.
Dali nga nadakpan ang suspetsado sa meresponde nga kapulisan diin nakuha usab sa iyang posesyon ang gigamit niini nga hunting nife. Sa pagkakaron ang maong dinakpan ang nakakostodya na sa Sominot MPS custodial facility samtang gi-andam na usab ang tukmang kaso nga ipasaka ngadto kaniya.