General Santos City–Personal Grudge ug land conflict ang mga anggulong gitutukan karon sa Polomolok PNP sa pagpatay sa usa ka Bizire Ayao, 36 anyos nga taga Barangay Rubber Polomolok South COtabato kansa gipusil niadtong Sabado.
Sumala ni Police Sr. Inspector Romeo Albano nga basi sa pakighinabi nila sa pamilya sa biktima ilang gibutyag sumala pa nga adunay problema ang luna nga gitikad sa nasangpit sa may barangay Rubber, Polomolok.
Nasayran nga gikan ang biktima sa merkado publiko sa Polomolok sakay sa iyang tricycle nga napuno ug kargang abono.
Pag abot sa Purok Matulungin barangay Magsaysay, Polomolok siya gipusil sa usa ka lalaking nakamotorsiklo.
Nakadagan pa ang biktima ug nakasulod sa balay sa usa ka residenti sa lugar apan siya gigukod sa suspek dayon gitiwasan ug pusil nga hinungdan sa iyang kamatayon.
Sa karon padayon pang ginasuta sa kapulisan kung silang si kinsa ang responsabli sa maong krimen.
