Davao de Oro – Patay nang napalgan sa iyang pamilya ang usa ka mag-uuma human gipusil sa wala mailhing suspetsado alas-6:00 sa buntag sa Barangay Mt. Diwata, Monkayo, Davao de oro kagahapon.
Biktima giila nga si Arsenio Bacquiao, 53 anyos, minyo, mag-uuma, residente sa nahisgutang lugar.
Sumala sa report sa Monkayo Municipal Police Station, nagtrabaho sa iyang uma ang biktima sa dihang kalit gipusil sa wala mailhing suspetsado gamit ang wala matinong klase sa armas hinungdan sa iyang kamatayon.
Blangko pa ang kapolisan sa motibo sa insidente ug padayon pa kining gi-imbestigahan.
RadyoMaN Jules Catisay
Facebook Comments
