Mag-uuma gipusil, patay

Pitogo, Zamboanga del Sur – Patay ang usa ka mag-uuma sa pagpamusil nga nahitabo didtung dapita sa Purok 6, Sitio Lupa Ibid, Barangay Balabawan, Pitogo, Zamboanga del Sur alas 10 ang takna sa niaging gabii October 16, 2021.
Giila sa PNP Pitogo pinaagi sa hepe nga si Pcpt Reynante Benitez nga ang biktima mao si Timoteo Bentus Jr Gintauman, 33-anyos, minyo, residente sa naasoy nga lugar.
Sa imbestigasyon nasayran nga ang biktima samtang didtu kini sa terasa sa iyang pinuy-anan sa dihang nahiabot ang wala pa mailang suspect dayon gipaarakan ang biktima gamit ang M16 rifle.
Nahiagoman sa biktima ang ubay-ubay nga igo pinusilan sa iyang kalawasan nga milahos sa iyang dihadiha nga kamatayon.
Pagkahuman sa pagpamusil dali ra usab kaayo nga nisibat ang suspek palayo sa dapit hitabuan.
Narekober sa dapit hitaboan ang lima ka kabhang sa mga bala sa gigamit nga armas pagpusil patay sa biktima.
Padayon pa nga galusad ug hot pursuit operation ang mga personahi sa PNP Pitogo aron malokar ug mapanubag ang mga responsable sa maong kremen.

Facebook Comments