Davao City – Nasaksihan mismo sa anak sa usa ka mag-uuma didto sa Special Brgy. Kinabuhian, Brgy. Conception, Laak, Compostela Valley Province ang pagpusil-patay sa iyang amahan sa mga armadong lalaking gituohang mga sakop sa New People’s Army alas 8 sa buntag kagahapong adlawa.
Tungod sa tumang kahadlok daling nagpatabang ang kinse anyos nga menor de edad sa mga awtoridad human sa nahitabong krimen.
Giila ang biktima nga si Laurelio Tilacan, 43 anyos, residente sa nasangpit nga lugar.
Sa gihimong imbestigasyon ni PO3 Melvin Celis sa Laak police, padulong ang biktima uban ang iyang anak nga mag-harvest unta sa ilang sagingan human nga kalit lamang nga nangabot ang giingong mga sakop sa Pulang Bagani Command o PBC 4 SMRC ubos kang Commander Rey Lina alyas Jigger ug gipusil ang biktima igo sa nagkadaiyang parte sa iyang kalawasan nga niresulta sa iyang hinanaling kamatayon.
Padayong ginasuta karon sa mga kapulisan ang motibo sa pagpatay sa biktima.
RadyoMaN Aimee Guinita
