Davao City – Daghang samad sa ulo ug wala nay kinabuhi ang usa ka 86 anyos nga lalaki human kini nakita sa may Tamugan River nga nahimutang sa Prk. 9, Brgy. Gumalang, Baguio District ning syudad alas 8:50 sa buntag adlawng Miyerkules.
Ang biktima mao si Ambis Sildo, mag-uuma ug taga-Prk. San Roque, Upper Brgy. Tamugan, Marilog District.
Sa interbyu sa DXDC kang Baguio Police Station Commander PSI Merlito Tubog nga giingong nalumos ug naigo ang ulo niini sa mga bato hinungdan sa kamatayon sa biktima.
Sumala ni Tubog nga sa ilang pakighinabi sa umagad sa biktima nga si Jonathan Catada Dequit nga hubog si Sildo nga gikan og tambong sa fiesta sa Sitio Ventura, Brgy. Tawan-tawan, Baguio District.
Gihaya na sa ilang panimalay sa may Baguio District ang biktima.
RadyoMaN Aimee Guinita
