Padayong gipangita sa kapolisan ang amigo nga suspek sa pagpamusil sa kaparehong mag-uuma sa ilang lugar sa Sityo Ambang Barangay Tamban Malungon probinsya sa Sarangani niaging gabie.
Matod kay Superintendent Rommel Gencianos ang hepe sa Malungon Municipal Police Station pasakaan gihapon sa kapolisan ang suspek nga si Loloy Taniawan og kasong frustrated homicide human gi-shotgun niini ang biktimang si Ben Amid nga 60 anyos og silinga sa suspek.
Gidugang ni Superintendent Gencianos nga tungod sa gilalisan nga hayop nga gamit sa pang-uma nga nanukad sa dugay nang panahon ang hinungdan matod pa sa pagpusil sa suspek ngadto sa iyang amigo nga halos dungan ra silang nahubog niaging gabie.
Naigo ang biktima sa iyang walang bahin sa bukton gamit ang homemade shotgun sa suspek nga makonsiderang loose firearms sa kapolisan.
Nagpaalim sa gobyernong ospital sa Gensan ang biktima human nga madala kini aron sa pagpahiling.
*For more info’s and updates, like and share our official facebook account : www.facebook.com/ifm91.9Gensanofficial/ <www.facebook.com/ifm91.9Gensanofficial/>*
