Sa interview sa DXDC RMN Davao kang Police Major Emmanuel Manlatican, ang Chief of Police sa Malalag MPS, giila ang biktima nga si Roel Lascuña samtang ang suspect mao si Daryl Pelayo.
Migula sa imbestigasyon nga uban nag-inom ang duha apan kalit lang gitigbas sa suspect ang tangkugo sa biktima hinungdan sa hinanali niining kamatayon.
“While naga-inom sila, gitigbas siyag kalit ni suspect. Gi-try pa nila sugod sa ospital para matambalan pero lifeless naman si Lascuña. Personal grudge gyud ni silay personal grudge o bangi, duga-dugay na pud,” saysay pa sa hepe.
Wala na naghatag pa og detalye si Pelayo apan giangkon nga nabuhat niini ang krimen tungod sa iyang pagdumot ngadto sa biktima nga mao usab ang padayon karon nga gipanubayan sa kapulisan.
RadyoMaN Ivy Parido
