Davao City – Gitigbas ang usa ka mag-uuma alas 5:40 sa hapon nahitabo sa Campo 3 Brgy. Talomo River, Calinan siyudad sa Davao.
Subay sa blotter sa Calinan PNP, naila ang biktima usa ka Melchor Jagonos, 72 anyos, samtang ang suspetsado usa ka Romeo Puly, 59 anyos, pareho nagpuyo sa nasampit nga lugar.
Sa gihimong imbestigasyon ni Police Officer Gapalan, gisulong ang biktima ngadto sa iyang panimalay sa walay igong rason dayon gitigbas sa makadaghang higayon hinungdang nakaangkon og daghang samad sa nagkadaiyang parte sa lawas sa biktima.
Human sa panghitabo, daling gidala sa Southern Philippines Medical Center (SPMC) aron matambalan samtang narekober sa mga pulis ang usa ka sundang nga maoy gigamit sa suspect sa pagpanigbas.
Balhog na sa presinto ang suspetsado ug gihikay na ang kasong frustrated murder batok kaniya.
RadyoMaN Don Pulayao
