Davao City – Dunay posibilidad taralon sa korte ang usa ka ginang gumikan sa iligal nga sugal nga last two human siya madakpi sa mga operatiba sa may Purok Sampaguita, Brgy. Buhangin ning siyudad.
Giila sa kapulisan ang dinakpan nga si Gemma Cabrera, 52 anyos, nanimuyo sa nasangpit nga lugar, human siya nasikop atol sa gilusad nga operasyon sa mga elemento sa Buhangin PNP alas 7:00 sa gabii.
Positibo ang Buhangin PNP nga makalusot sa piskalya ang ipasaka nga kaso batok kang Cabrera tungod sa mga ebidensiyang nakuha sa mga otoridad gikan sa possession sa suspek.
Akto nasapon sa mga otoridad ang suspek nga nagpataya og last two sa mga sugarol sa ilang dapit atol sa gikasa nga Anti-Illegal Campaign Operation.
Nakuha gikan sa usher ang mga paraphernalia sa number game og 180 ka pesos nga taya ug ang suspek gipasang-atan og asunto subay sa kalapasan sa Republic Act 9287 kun Illegal Gambling.
RadyoMaN Joel Viray
