General Santos City—Gipusil sa wala pa mailhang suspetado ang usa ka Vincent Senica, 27 anyos, mag-uuma, residente sa Prk. Kasaganaan, Brgy. Poblacion, Tantangan, South Cotabato alas 5:00 sa kabuntagon.
Subay sa inisyal nga imbistigasyon sa Tantangan PNP nasuta nga nagtindog lang ang biktima daplin sa dalan sa maong lugar dihang kalit lang kining gihunungan sa nakamotorsiklo nga lalaki dayon gipusil igo sa likod nga bahin sa iyang ulo.
Paspas nga nakasibat ang suspek padulong sa Brgy Pananpan, Buluan Maguindanao, samtang ang biktima gidala sa ospital. Sa kasamtangan gapadayon ang imbestigasyon sa mga otoridad bahin sa motibo sa maong kremin.
Facebook Comments
