Nabuak ang ulo sa usa ka mag uuma human kini mahulog sa steel bridge sa may Purok Cabangahan sakop sa barangay Rogongon ning syudad sa Iligan.
Biktima nailang si Samuel Iray, hingkod ang pangidaron ug molupyo sa maong dapit.
Matud pa, nga alas dos kapin kun kulang ang takna sa hapon niadtong miaging adlawa, angkas ang maong biktima sa motor nga gimaneho sa iyang pag umangkon nga nailang si Dodong Ima, 26 anyos minyo ug molopyo sa Bayanihan sakop sa Barangay Rogongon.
Ug gumikan kay lango sa ilimnong makahubog, nabalintong ang motor nga ilang gisakyan nga motor ug nahulog ang maong biktima sa maong tulay nga dunay kahabugon nga 150 feet..
Daling mi rescue ang mga kasundalohan ug mga BPAT ug gidala gilayon sa tambalanan ang nasangpit nga mag uuma.
Samtang ang driver sa maong motor, gidala sa kwerpo sa kapulisan aron nga maimbestigahan.
