South Cotabato – patay ang usa ka mag-uuma human nga naunay sa iyang shotgun didto mismo sa ilang panimalay sa Purok 4-A, Kobay, Barangay Koronadal Proper, Polomolok,South Cotabato.
Giila ang biktima nga si Sanny Sobrepeña Villanueva, 51, minyo, residente ng sa maong lugar.
Sumala sa inisyal nga imbistigasyon sa Polomolok, Municipal Police Station nasuta nga nakadungog nalang ang mga silingan ug buto sa pusil alas 3:00 ang takna sa hapon sa nakalabayng adlaw.
Ang asawa niining si Carmen Villanueva maoy nakakita sa biktima nga nagbuy-od na sulod sa ilang panimalay ug naligo sa iyang kaugalingong dugo diin tapad niini nakaplagan ang iyang home made shotgun.
Nakaangkon ang biktima ug samad pinusilan sa dunggan niini. Sa karon ginaimbistigahan pa sa kapulisan kung naunay ang biktima sa iyang pusil o adunay laing hinungdan sa kamatayon sa nasangpit nga mag-uuma.
