Davao City – Nakaplagan ang usa ka patay’ng lawas sa mag uuma sulod sa iyang panimalay alas 10:30 sa kagabhion sa Barangay Tawan Tawan sakop sa Baguio District siyudad sa Davao.
Sa report gikan sa Baguio PNP naila ang biktima nga mao si Carlito Samonte, 48 anyos residente sa purok Kawayan sakop sa nahisgutang barangay.
Inisyal nga imbestigasyon sa kapolisan nga kining biktima nag-inusara lang og puyo sa iyang balay ug naabtan na lamang sa iyang igsuon nga si Gemma Dagadas uban iyang bayaw nga si Roberto Dagadas dagadas nga nga nagkadugo na ang biktima ug dunay samad sa liog nga gituohang gigulgol hinungdan sa kamatayon niini.
Giingon pa sa igsuon sa biktima nga nakig-inom pa niadtong panahona sa iyang mga silingan si Carlito ug nanamilit nga magpakamatay kini.
Dugang sa mga kapulisan, ang biktima biniyaan sa iyang asawa ug iyang mga anak diin matod pa posibleng nadepress kini.
Samtang ang team sa Regional Crime Laboratory XI ug SOCO nagpahigayon na og parallel investigation diin base sa ilang gihimong pagsusi sa crime scene walay hinagiban nga narekober nga gigamit sa biktima.
Ang patayng lawas sa biktima gidala na sa Angel Funeral Homes sa Calinan ning dakbayan.
RadyoMaN Don Pulayao
